Минимално инвазивен пристап: Лапароскопско отстранување на слепо црево

Апендектомијата е хируршко отстранување на слепото црево. Таа е една од најчестите ургентни операции. Денес, сè почесто се користи лапароскопскиот (минимално инвазивен) пристап, кој нуди побрзо заздравување, помала болка и помал ризик од компликации.

Слепото црево (апендикс) е мал орган во долниот десен дел на стомакот. Кога се воспалува, се јавува состојба наречена апендицитис, која бара итен хируршки третман.

• Остра болка во долниот десен дел на стомакот (понекогаш започнува околу папокот)
• Гадење, повраќање
• Губење на апетит
• Треска
• Промени во столицата (запек или пролив)
• Болка при движење или кашлање

Ако апендиксот не се отстрани на време, може да пукне и да предизвика сериозна состојба наречена перитонитис (воспаление на стомачната обвивка).

Лапароскопијата е хируршка техника каде што се прават мали резови (отвори), најчесто три и се користи тенка камера (лапароскоп) за да се визуелизира внатрешноста на стомакот. Преку другите резови се внесуваат инструменти за да се отстрани воспалениот апендикс.

• Помали резови и естетски подобар изглед на кожата
• Помалку постоперативна болка
• Побрзо закрепнување
• Помал ризик од инфекции
• Помал престој во болница (често 1 ден)

Во некои случаи, хирургот може да премине од лапароскопска кон отворена операција ако слепото црево е пукнато или ако има компликации.

• Ќе направите крвни анализи, ултразвук или CT за потврда на дијагнозата
• Ќе добиете инфузија и, ако е потребно, антибиотици
• Ќе разговарате со анестезиолог (се користи општа анестезија – ќе бидете целосно заспани)

• Нема да смеете да јадете или пиете најмалку 6–8 часа пред операцијата
• Ако пиете хронична терапија (на пр. за притисок), информирајте го лекарот
• Ако сте бремена или имате други здравствени проблеми, задолжително информирајте ги лекарите

• По будење од анестезија, ќе бидете следени неколку часа
• Ќе почнете да пиете течности, а потоа и лесна храна
• Често се пуштате дома истиот ден или по 24 часа

• Може да имате лесна болка или непријатност околу резовите
• Ќе добиете аналгетици и евентуално антибиотици
  
• Раните треба да се чистат и суви; следете ги упатствата од лекарот
• Избегнувајте тешко кревање, спорт или интензивна физичка активност најмалку до 2 недели
• Работата (како седење во канцеларија) може да се продолжи по 3–5 дена, според состојбата

• Контролен преглед се прави по 7–10 дена, за вадење на конци (ако не се саморазградливи)

Доколку почувствувате некој од следните симптоми, веднаш јавете се на лекар:

• Зголемена болка
• Треска
• Црвенило или гној од раната
• Повраќање

Лапароскопската апендектомија е ефикасен, безбеден и современ пристап за лекување на воспалено слепо црево. Со помалку болка, побрзо закрепнување и помал ризик од компликации, оваа техника стана златен стандард во многу болници. Ако се подготвите добро, ги следите советите и редовно одите на контроли, закрепнувањето обично е брзо и успешно.