Тироидектомија: како да се подготвите за операција на тироидната жлезда

Тироидектомијата e хируршко отстранување на дел или целата тироидна жлезда. Taa е честа интервенција што се изведува кај пациенти со заболувања на тироидата. Иако самата операција е безбедна и рутинска, како и секој хируршки зафат, бара добра подготовка и јасно информирање.

Тироидната жлезда се наоѓа во предниот дел на вратот и игра клучна улога во регулирање на метаболизмот, срцевата функција, телесната температура и многу други процеси преку продукција на хормони.

• Тироидни нодули (јазли): Бенигни или сомнителни формации кои растат или предизвикуваат симптоми
• Рак на тироидната жлезда
• Голема струма (зголемена жлезда): Што предизвикува притисок врз дишните патишта или хранопроводот
• Хипертироидизам: Прекумерна функција на тироидата која не реагира на лекови или радиоактивен јод
• Гравесова болест која не се контролира со терапија

Симптомите може да вклучуваат:

• Осетливост или грутка на вратот
• Отежнато голтање или дишење
• Промени во гласот
• Постојан замор, забрзан пулс или нервоза (кај хипертироидизам)

• Тотална тироидектомија: Целосно отстранување на тироидната жлезда
• Субтотална или делумна тироидектомија: Отстранување на еден лобус (лев или десен)
• Минимално инвазивна тироидектомија: Со мали резови и помалку ткивно оштетување (достапна во одредени случаи)

• Се изведува под општа анестезија (пациентот е целосно заспан)
• Се прави рез на предниот дел од вратот
• Хирургот внимателно ја отстранува жлездата, избегнувајќи ги важните нерви и паратироидните жлезди
• Операцијата трае околу 1 до 2 часа
  
• Во случаи на рак или зголемена жлезда, може да се отстранат и лимфни јазли за анализа.

• Крвни анализи, испитување на функцијата на тироидата (TSH, FT4, T3)
• Електрокардиограм (ЕКГ) и испитување на белите дробови ако е потребно
• Ултразвук или сцинтиграфија за прецизна локација и големина на јазлите
• Ако земате антикоагуланси или лекови за срце/тироидна жлезда, консултирајте се со вашиот лекар
• За некои пациенти, потребно е предоперативно регулирање на хормоните
  

• Не јадете и не пијте 6 до 8 часа пред операцијата
• Известете ако сте бремени, имате алергии, или користите хронична терапија
• Донесете удобна облека, без накит околу вратот

• Обично 1 до 2 дена, ако нема компликации
• Може да имате блага болка или гребење во грлото поради цевката за дишење
• Облогата ќе биде на вратот, а можеби и ќе ви биде поставена мала дренажа

• Промени во гласот (обично привремени)
• Отежнато голтање
• Блага хипокалцемија (поради допир на паратироидните жлезди)
• Замор или чувство на непријатност

• Ако е отстранета целата жлезда се дава заменска хормон терапија (левотироксин)  која ќе ја пиете доживотно
• Ако е делумно отстранета, можно е да не биде потребна хормонска терапија

• Прв преглед: по 7 до 10 дена, за проверка на раната и евентуално вадење конци
• Наредни анализи: TSH, FT4 и ниво на калциум по потреба
• Долгорочно следење на хормонска состојба, особено кај пациенти со тотална тироидектомија

• Веднаш контактирајте го вашиот лекар ако имате:
• Висока температура (> 38.5°C)
• Преголем оток или црвенило околу раната
• Отежнато дишење или отежнат говор
• Мравки во рацете/нозете, мускулни грчеви (можен пад на калциум)

 Тироидектомијата е безбедна и ефикасна интервенција која се користи за третман на тироидни заболувања. Со соодветна подготовка, добра хируршка грижа и редовна контрола по операцијата, пациентите обично имаат целосно закрепнување и нормален живот.