Çfarë është Embolia pulmonare?

Embolia pulmonare (PE) është një gjendje e rëndë që ndodh kur një tromb (një mpiksje gjaku që pengon rrjedhjen e gjakut dhe shkakton trombozë) bllokon një nga arteriet në mushkëri. Më shpesh, mpiksja fillon në një venë të thellë në këmbë - një gjendje e quajtur trombozë e venave të thella (DVT) - dhe shkon në mushkëri. Rrallëherë, një mpiksje gjaku mund të formohet në një venë tjetër në trup përpara se të arrijë në mushkëri.

• Të dëmtojë mushkëritë.
• Të rrit presionin në arteriet e mushkërive.
• Të sforcojë zemrën dhe të çojë në dështim të zemrës.
• Të jetë i rrezikshëm për jetën, në varësi të madhësisë së trombit.

Embolia pulmonare është një nga sëmundjet më të zakonshme kardiovaskulare në botë, duke u renditur e treta pas infarktit (sulmit në zemër) dhe goditjes në tru.

Embolia pulmonare është një gjendje e rrezikshme, por me trajtim të menjëhershëm shpesh mund të trajtohet me sukses. Simptomat mund të ndryshojnë, por është e rëndësishme të kërkoni ndihmë menjëherë nëse i vini re.

• Mungesa e frymëmarrjes (e papritur ose graduale, pavarësisht nëse jeni aktiv apo në pushim).
• Dhimbje gjoksi (mund të përhapet në qafë, shpatull ose krah dhe përkeqësohet me frymëmarrje të thellë).
• Kollë, ndonjëherë me rrjedhje gjaku.
• Lëkurë e maivijosur (veçanërisht në buzë ose gishta).
• Puls i shpejtë dhe djersitje.
• Frymëmarrje e shpejtë.
• Ndjenja e panikut ose ankthit,
• Fishkëllimat gjatë frymëmarrjes (tingull i dukshëm kur nxjerr frymë).
• Dobësi ose lodhje pa ndonjë arsye të dukshme.

Mënyra më e mirë për të mbrojtur veten nga një emboli pulmonare është të parandaloni formimin e mpiksjes së gjakut në këmbët tuaja. Kjo mund të përfshijë aktivitet fizik, veshjen e çorape kompresuese ose marrjen e medikamenteve të përshkruara nëse jeni në rrezik.